खा. विनायक राऊत, आ.वैभव नाईक, व्यापारी संघाचे अध्यक्ष उमेश नेरुरकर यांच्या हस्ते समुद्राला नारळ अर्पण

मालवण :

मालवण व्यापारी संघ व मच्छीमारांच्या वतीने आज मालवणात नारळी पौर्णिमा मोठया उत्साहात साजरी करण्यात आली. याप्रसंगी खासदार विनायक राऊत, आमदार वैभव नाईक व मालवण व्यापारी संघाचे अध्यक्ष उमेश नेरुरकर यांच्या हस्ते समुद्राची विधिवत पूजा करून समुद्राला नारळ अर्पण करण्यात आला.

याप्रसंगी शिल्पा यतीन खोत मित्रमंडळाच्या व मालवणी संस्कृती व वारसा मंडळाचे अध्यक्ष अरविंद मोंडकर यांच्या नारळ लढविणे (महिलांकरीता) स्पर्धेचे उद्घाटन खासदार विनायक राऊत, आमदार वैभव नाईक यांच्या उपस्थितीत करण्यात आले.

यावेळी खा.विनायक राऊत, आ.वैभव नाईक यांचा शाल श्रीफळ देऊन सत्कार करण्यात आला.

यावेळी शिवसेना उपजिल्हाप्रमुख बबन शिंदे, मालवण तालुकाप्रमुख हरी खोबरेकर, महेश कांदळगावकर, मंदार केणी, यतीन खोत, शिल्पा खोत, सन्मेश परब, दिपा शिंदे, आकांक्षा शिरपुटे, सौ.जाधव व मालवण ग्रामस्थ मोठ्या संख्येने उपस्थित होते.