कणकवली :
कणकवलीत भाजपाच्या वतीने भारताच्या राष्ट्रपतीपदी द्रौपदी मुर्मू या विजयी झाल्याबद्दल व राज्याचे उपमुख्यमंत्री देवेंद्र फडणवीस यांच्या वाढदिवसाचे औचित्य साधत आज कणकवली पटवर्धन चौकात फटाके लावत जल्लोष साजरा करण्यात आला. यावेळी जोरदार घोषणाबाजी देखील करण्यात आली. तसेच राज्य सरकारच्या माध्यमातून ओबीसींना आरक्षण मिळाल्याबद्दलही सरकारचे आभार यावेळी व्यक्त करण्यात आले.
यावेळी माजी जि. प. अध्यक्ष संजना सावंत, नगरसेवक मेघा गांगण, माजी सभापती मनोज रावराणे, तालुकाध्यक्ष मिलिंद मेस्त्री, नगरसेवक शिशिर परूळेकर, संदीप मेस्त्री, अण्णा कोदे, बबलू सावंत, सचिन पारधीये, स्वप्नील चिंदरकर, पप्पू पुजारे, विजय चिंदरकर, पंढरी वायंगणकर, समीर प्रभूगावकर, राजू पाटकर, अभय गाडीगावकर, संदीप सावंत, भगवान दळवी, इब्राहिम शेख, सदा चव्हाण यावेळी उपस्थित होते.
