सावंतवाडी
कोलगाव-निरुखे येथे उभारण्यात आलेला बीएसएलचा टॉवर सुरू होण्याच्या प्रतीक्षेत आहे. सर्व तांत्रिक सुविधा पूर्ण होऊन सुद्धा अद्याप तो कार्यन्वित करण्यात आला नाही. त्यामुळे टॉवर तात्काळ सुरू करण्यात यावा, अशी मागणी ग्रामस्थांनी केली आहे. दरम्यान सद्यस्थितीत परिसरात नेटवर्कची समस्या असल्यामुळे ग्रामस्थांसह विद्यार्थ्यांची गैरसोय होत आहे. त्यामुळे संबंधित प्रशासनाने याची तात्काळ दखल घ्यावी, अन्यथा आक्रमक भूमिका घ्यावी लागेल, असा इशाराही त्यांनी दिला आहे. याबाबत प्रसिद्धीपत्रक देण्यात आले.
कोलगाव-निरुखे परिसरात नेटवर्कची समस्या असल्यामुळे होणारी ग्रामस्थांची गैरसोय दूर करण्यासाठी बीएसएनएल कंपनीकडून टॉवर उभारण्यात आला आहे. त्या टॉवरच्या सर्व तांत्रिक सुविधा पूर्ण झाल्या आहेत. मात्र सद्यस्थितीत केवळ तो सुरू होण्याच्या प्रतीक्षेत आहे. त्यामुळे तो लवकरात लवकर सुरू करून ग्रामस्थांचं मुख्य करून विद्यार्थ्यांची होणारी गैरसोय दूर करा, अशी मागणी करण्यात आली आहे.
