शिवसैनिकाला अटक

 

सावंतवाडी :

एकनाथ शिंदे यांच्या बंडानंतर त्यांच्या गोटात सामील झालेले सावंतवाडी विधानसभेचे आमदार दीपक केसरकर यांच्या सावंतवाडी येथील श्रीधर अपार्टमेंट येथील निवासस्थान आणि कार्यालयाच्या आत एका अज्ञात युवकाने दगड मारल्याची घटना शुक्रवारी सायंकाळी उशिरा घडली. दरम्यान, दंगल पथक व पोलिसांच्या समक्षच ही घटना घडली असून सदर युवकाला तात्काळ ताब्यात घेण्यात आले. संबंधीत तरुण कणकवली कलमठ येथील असल्याचे समजते.

बंडखोर एकनाथ शिंदे गटाचे प्रवक्ते आमदार दीपक केसरकर यांची झूम ॲप द्वारे आसाम गोहाटी वरून झालेली पत्रकार परिषद संपल्यानंतर काही क्षणातच ही घटना घडली दरम्यान सदर युवक हा दुचाकी वर आला होता त्याच्यासोबत आणखी एक युवक सुद्धा होता या युवकाने खिशामध्ये दगड घेऊन केसरकर यांच्या कार्यालयामध्ये प्रवेश करून समोरच्या काचेवर दगड मारण्याचा प्रयत्न केला. मात्र, त्याचा नेम चुकला ने दगड काचेच्या वरून गेला.