जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री सौ ज्योत्स्ना तानवडे यांची अप्रतिम काव्यरचना

चित्रकाव्य

दिंडी

दिंडी चालली पंढरी
पांडुरंगाच्या ओढीने
पायासंगे मन धावे
नाम घेई ते गोडीने ||

टाळ – मृदुंगाची जोड
खांद्यावरती पताका
वारकरी चालताना
नाम घोष मुखी ऐका ||

डोई घेतली तुळस
गळा तुळशीची माळ
भक्ति रसात रंगून
गाई अभंगाची ओळ ||

पंढरीची वारी असे
श्रद्धा भक्तीचा सोहळा
वाटेवरी जाता जाता
शिंपे भक्तीचाच मळा ||

ज्योत्स्ना तानवडे. पुणे