अर्जुन रावराणे विद्यालयात नवोदित विद्यार्थ्यांचे जंगी स्वागत

वैभववाडी

अर्जुन रावराणे विद्यालयात नवोदित विद्यार्थ्यांचे जंगी स्वागत करण्यात आले ढोल-ताशांच्या गजरात बाजारपेठेत *लहान मुलांना लावी लळा,अर्जुन रावराणे विद्यालय माझी शाळा* अशा पद्धतीच्या घोषणा देत मिरवणूक काढीत विद्यार्थ्यांचा शाळेचा पहिला दिवस साजरा केला.

उन्हाळी सुट्टी नंतर तालुक्यातील माध्यमिक विद्यालये आज पासून सुरू झाली आज शाळेचा पहिला दिवस होता प्राथमिक मधून माध्यमिक शाळेत आलेल्या विद्यार्थ्यांचे यानिमित्ताने जल्लोषात स्वागत केले तालुक्यातील अर्जून रावराणे विद्यालय व जयेंद्र रावराणे सेमी इंग्लिश स्कूल मध्ये हा दिवस साजरा करण्यात आला.
प्रशालेच्या प्रवेशद्वारावर विद्यार्थ्यांचे महिला शिक्षकांनी औक्षण केले त्यांना आरती ओवाळली.शिक्षण संस्थेचे अधीक्षक तथा स्थानिक अध्यक्ष जयेंद्र रावराणे यांनी पुष्पगुच्छ देऊन विद्यार्थ्यांचे स्वागत केले.
यावेळी प्रशालेचे मुख्याध्यापक बी.एस. नादकर, एस. बी. शिंदे सर, पी. एम. पाटील सर,प्रभू सर,सावंत सर, पाटील मॅडम, केळकर मॅडम शिक्षक-शिक्षकेतर कर्मचारी, पालक उपस्थित होते.