*प्रशालेची कु.सायली सुरेश जांभवडेकर विज्ञान शाखेत ८७.८३% गुण मिळवत जिल्ह्यात द्वितीय तर तालुक्यात प्रथम*

 

वैभववाडी :

 

वैभववाडी तालुक्यातील कै. हेमंत केशव रावराणे कनिष्ठ महाविद्यालयाच्या कला, वाणिज्य व विज्ञान या तिन्ही शाखेचा निकाल शंभर टक्के लागला आहे. विज्ञान शाखेमधून कु.सायली सुरेश जांभवडेकर हिने ८७.८३% गुण मिळवत विज्ञान शाखेत तालुक्यासह प्रशालेत प्रथम क्रमांक प्राप्त केला आहे. तर कु. दिव्या दत्ताराम गुरव हिने ७५.६७ % गुण मिळवत द्वितीय क्रमांक तर कु. डिंपल प्रकाश माने हिने ७४.८३ % गुण मिळवत तृतीय क्रमांक प्राप्त केला आहे. वैभववाडी तालुका शिक्षण संस्थेचे स्थानिक अध्यक्ष जयेंद्र रावराणे यांनी परिक्षेच्या काळात विद्यार्थ्यांचे मनोबल वाढवले व प्रोत्साहन दिले. विज्ञान विभाग प्रमुख पाटील पी.ए. तसेच जेष्ठ शिक्षक शिंदे एस. बी., सारंग एफ.एच., मरळकर व्ही.एस., झोरे पी.बी.,चव्हाण वाय.आर., हवालदार एस.इ. यांनी विद्यार्थ्यांना वेळोवेळी मार्गदर्शन केले.

सर्व यशस्वी विद्यार्थ्यांचे व मार्गदर्शक शिक्षकांचे वैभववाडी तालुका शिक्षण संस्थेचे अधिक्षक तथा स्थानिक अध्यक्ष जयेंद्र रावराणे, प्रशालेचे मुख्याध्यापक नादकर बी.एस. प्रशालेचे सर्व शिक्षक, शिक्षकेत्तर कर्मचारी वर्ग तसेच पालक वर्गाकडून अभिनंदन केले जात आहे.