सिंधुदुर्गनगरी :

सावंतवाडी शहरात खासकीलवाडा येथील वार्ड एफ, इमारत क्र. 242 ड मधील रुम नं. 1 चा परिसर दिनांक 13 ऑक्टोबर 2020 पर्यंत, खासकीलवाडा येथील वार्ड ई, इमारत क्र. 333 मधील रुम नं. 1 व 2 चा परिसर दिनांक 15 ऑक्टोबर 2020 पर्यंत, सबनिसवाडा येथील डी, वार्ड सबनिसवाडा हिरवळ अपार्टमेंट नवीन इमारत ब्लॉक नं. एस-2 अ विंग दुसरा मजला चोहबाजूचे अंदाजे खुले क्षेत्र-15 चौ.मी.चा परिसर दिनांक 18 ऑक्टोबर 2020 पर्यंत कोरोना विषाणुचा प्रादुर्भाव टाळण्यासाठी कंटेन्मेंट झोन म्हणून जाहीर करण्यात आला आहे.
सदर कंटेन्मेंट झोन संबंधित दिनांकापर्यंत रात्री 12.00 पर्यंत सर्व आस्थापना, दुकाने, वस्तुविक्री बंद राहणार आहेत. तसेच या क्षेत्रामध्ये नागरिकांना येणे- जाणे व सर्व प्रकारच्या वाहनांना प्रवेश बंद असेल. हे आदेश अत्यावश्यक सेवा, सार्वजनिक वितरण व्यवस्था, वैद्यकिय उपचार व्यवस्था, बँक, सेवा देणारे अधिकारी, कर्मचारी व त्यांची वाहने यांना लागू राहणार नाही. तसेच सदर आदेशाचे उल्लंघन करणाऱ्याविरुध्द आपत्ती व्यवस्थापन कायदा 2005 कलम 51 व 58 अन्वये तसेच महाराष्ट्र पोलीस अधिनयम, 1951 चे कलम 71,139 तसेच भारतीय दंड संहिता (45 ऑफ 1860)  च्या कलम 188 अन्वये कारवाई करण्यात येईल, असे आदेश सावंतवाडीचे उपविभागीय अधिकारी प्रशांत पानवेकर  यांनी दिले आहेत