सावंतवाडी
सावंतवाडी न्यू खासकीलवाडा, जेल जवळ राहणारे रवींद्र गुंडू रेमुळकर (वय-६५वर्षे) यांचे आज सकाळी ९.०० वा. हृदयविकाराच्या झटक्याने निधन झाले.
सावंतवाडी न्यू खासकीलवाडा येथे जुन्या मुंबई गोवा महामार्गावर जेल जवळ अलीकडेच त्यांनी नवीन बंगला बांधला होता. सावंतवाडी कॉटेज हॉस्पिटल रिक्षा स्टँडवर पूर्वी ते रिक्षा व्यवसाय करत होते. त्यानंतर पर्यटनदृष्ट्या वाढती चारचाकी गाडीची मागणी लक्षात घेता त्यांनी सुमो गाडी आणून पर्यटकांसाठी टूर्स व्यवसाय सुरू केला होता. अनेक वर्षे सुमो, इको गाडीने त्यांनी लोकांना पर्यटनासाठी, अनेक रुग्णांना देखील गोवा येथे उपचारासाठी नेण्याची सेवा दिली होती. कणेरी मठाचे श्री.काडसिद्धेश्वर स्वामींचे भक्त व सावंतवाडी येथील काडसिद्धेश्वर सेवा समिती ट्रस्ट, अध्यात्म केंद्राचे ते सक्रिय सदस्य होते.
त्यांच्या निधनावर श्री.काडसिद्धेश्वर मठाकडून शोक व्यक्त करण्यात आला.
रवींद्र रेमुळकर यांच्या पश्चात पत्नी, विवाहित तीन मुली, जावई, भाऊ, भावजयी असा परिवार आहे. भूमी अभिलेख कार्यालयातील कर्मचारी बाळा रेमुळकर, रिक्षा व्यावसायिक आनंद रेमुळकर यांचे ते वडील बंधू होत. बुधवार दिनांक ८ जून रोजी सकाळी ९.०० वाजता सावंतवाडी येथील उपरल स्मशानभूमीत त्यांच्यावर अंत्यसंस्कार करण्यात येणार आहेत.
