जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री सौ.अर्चना मायदेव यांची अप्रतिम अभंग रचना
तात माझे होते| शिक्षकी पेशाचे
मृदू स्वभावाचे| म्हणुनिया||१||
भजनाची गोडी| मृदंग वाजवी|
ज्ञानयाची ओवी |मुखी असे||२||
मुलांवर माया.| इतकीच केली|
नाही बिघडली| मुले कधी||३||
संसाराचा भार.| वाहिला तयांनी|
विठोबा चरणी.| सर्व काळ||४||
मुलांसाठी त्यांनी|. कष्ट केले फार|
फिरे ना माघार|. संकटात||५||
शिकवण्या केल्या| भजनी मंडळ|
छंद तो सकळ|. पूर्ण करी||६||
ऋण ते इतके| त्यांचे माझ्या वर|
नाही फिटणार.| किती जन्म||७||
लेक मी त्यांचीच| अभंग गाईन|
पुढे चालवीत| वसा त्यांचा||८||
सौ. अर्चना मायदेव
पुणे
