जागतिक साहित्य कला व्यक्तित्व विकास मंच सदस्य ज्येष्ठ लेखक कवी अरविंद ढवळीकर यांची अप्रतिम काव्यरचना

आजवरी पडले गळा अंतरीचे ओझे
भार सोसवेना भाळा थके मन माझे
कुणी सांगती मज बाळा
हीच जीवनाची शाळा
खडू सुख दुःख फळा विटे मन माझे
उभा जन्म एकच चाळा
केले उगा सारे गोळा
हाच जाहला घोटाळा चुके मन माझे
पडे विसर दैवें सगळा
संत संग बरवा भोळा
पूर्व संचिताच्या खेळा भुले मन माझे
गुरु कृपेचा सोहळा
याची देही याची डोळा
श्वास अंतरी मोकळा घेई मन माझे
पाय लागले देऊळा
काय भिणे कळिकाळा
चंद्रभागेत खळाळा भिजे मन माझे
सोडी विचार सोवळा
पाप पुण्याचा वेगळा
बांधी पंढरी सांवळा विठू मन माझे

अरविंद
9960267354
24/9/20