सावंतवाडी
यशवंतराव भोसले पॉलिटेक्निकच्या तृतीय वर्ष इलेक्ट्रिकल इंजिनिअरिंग विभागातील नऊ विद्यार्थ्यांची फिलिप्स हेल्थकेअर या वैद्यकीय उपकरणे बनविणाऱ्या बहुराष्ट्रीय कंपनीत कॅम्पस इंटरव्ह्यूद्वारे निवड करण्यात आली. कंपनीच्या पुणे येथील प्रकल्पासाठी ही निवड झाली असून विद्यार्थ्यांची नावे पुढीलप्रमाणे – पल्लवी सापळे, गौरवी राऊळ, रोहित लोहार, आदित्य लांबर, हर्षद गवस, रत्नाकर नार्वेकर, दत्तप्रसाद सावंत, रोहन जंगले व अभिजीत पाताडे. सर्व यशस्वी विद्यार्थ्यांचे संस्थेचे कार्याध्यक्ष अच्युत सावंत भोसले, प्राचार्य गजानन भोसले व इलेक्ट्रिकल विभाग प्रमुख दीपक पाटील यांनी अभिनंदन केले व पुढील वाटचालीसाठी शुभेच्छा दिल्या.
