जागतिक साहित्य कला व्यक्तित्व विकास मंच सदस्या लेखिका कवयित्री आदिती मसुरकर यांची बाल काव्यरचना

हिरव्या हिरव्या रानामध्ये
हिरवे हिरवे झाड
झाडावर उड्या मारती
तीन माकडे द्वाड

खळखळणारे झरे
दिसतात न्यारे
मंदधुंद गीत गात
सुटले थंडगार वारे

झाडावर डुलतात
रगीत फुले छान
टाळ्या वाजवून स्वागत
करते हिरवेगार पान

कुहूकुहू गोड गीत
कोकीळ गातो
मोर बघा रानामध्ये
थुईथुई नाचतो

विठू विठू पोपटा तुझी
चोच कशी लाल
पानाचा विडा तू
खाल्लास का रे काल

टुणटुण उड्या मारत ससा
कोवळे गवत खातो
पान जरी पडले तरी
बिळात जाऊन लपतो

*✍️© सौ आदिती मसुरकर*
*कुडाळ सिंधुदुर्ग*