जागतिक साहित्य कला व्यक्तित्व विकास मंच सदस्य हेमा जाधव यांची साकव्य ग्रुप आयोजित अष्टाक्षरी स्पर्धेतील उत्कृष्ट क्रमांक प्राप्त काव्यरचना

तिच्या स्त्रित्वाची कहाणी

कोंदण हिरा

मर्यादेच्या प्रांगणात
तिच्या स्त्रित्वाची कहाणी
दाही दिशा एकवटे
डोळ्यांमध्ये खेळे पाणी

हिरा कोंदण साच्यात
न्यारी चमक तयाची
तेच अस्तित्व शोभते
नारी मानिनी जगाची

पंख पसरूनी सारे
झेप गगनी यशाची
उंबरठा स्वाभिमान
चाड जपते घराची

कप्पा हळवा लपतो
कर्तव्याच्या पदरात
घरकुल उजळते
जशी तेवणारी वात

तिच्या स्त्रित्वाची कहाणी
हिरकणी वाघीणीची
जिजाऊच्या रमाईच्या
सावित्रीच्या घडणीची

जबाबदारीचा अर्थ
संयमाच्या अंगणात
सोशिकता सामावून
घेते नारी संसारात

धैर्यशील काळजाची
काळोखाच्या काजळीत
नारी रात्र जोजवते
काळजीला दटावीत

हेमा जाधव©
९५४५०८२८१७