जागतिक साहित्य कला व्यक्तित्व विकास मंच… लालित्य नक्षत्र वेल समूह सदस्य लेखक कवी दीपक पटेकर यांनी तुकाराम बिज निमित्ताने लिहिलेली अभंग रचना
इंद्रायणी काठी ! पुण्यभूमी देहू !
लिन आम्ही होऊ ! विठ्ठलाशी !!१!!
बोल्होबा आणिक ! कनकाई पोटी !
जन्म जगज्येठी ! तुकोबांचा !!२!!
सोज्वळ पताका ! घेऊनिया हाती !
दावीयली भक्ती ! विठोबाची !!३!!
रोम रोमामध्ये ! पांडुरंग ध्यानी !
पांडुरंग मनी ! जागरथी !!४!!
वृक्ष वेलींवर ! प्रेम अतोनात !
दंग भजनात ! विठ्ठलाच्या !!५!!
संत नामदेव ! दुजा अवतार !
भक्तीचे संस्कार ! बोल्होबाचे !!६!!
सावकारी पाश ! केला कर्ज मुक्त !
संत एक फक्त ! तुकाराम !!७!!
अंधश्रद्धा दूर ! केली प्रबोधने !
ईश्वर भक्तीने ! सुखमार्ग !!८!!
अभंगाची गाथा ! ज्ञानाचा हा स्रोत !
कायम मुखात ! असावाच !!९!!
©【दिपी】
दीपक पटेकर, सावंतवाडी
८४४६७४३१९६
