जागतिक साहित्य कला व्यक्तित्व विकास मंच सदस्य राष्ट्रीय प्रतिभा पुरस्कारित ज्येष्ठ लेखक प्रो.डॉ.जी आर उर्फ प्रवीण जोशी यांचा अप्रतिम लेख

काय आहे रंगात ? अहो सर्व काही ! सृष्टी चा रंगच काही और !
क्षणाक्षणाला रंग बदलणारी सृष्टीची किमया ! पहाटे चा रंग किती तरल हवाहवासा , मनभावन सगळं कसं स्तब्ध निशांत ! आकाश सुद्धा निर्भर
निरभ्र , आपल्या तारांगण सहित . तोच झुंजूमंजु ची वेळ आली की
केशरी जांभळ्या छटात होणारा सूर्योदय .. .,
सकाळ पासुन ते रात्री पर्यंत वेगवेगळ्या रंगात न्हाणारी सृष्टी तर , रोजच रंग खेळत असते ना ! प्रत्येक ऋतुत तर तिचे बदलणारे दृश्य , वेगळेच वाटते ! अस वाटते की ती आपल्या जीवाचे चोचले पुरे करून घेण्यात पटाईत आहे ! प्रत्येक ऋतूतील तिचा नखरा हा डोहाळे पुरवून घेण्यात मग्न असते . तिचे रूप रंग , गंध , स्पर्श सुध्दा , मानवाला हवा हवासा वाटतोय . श्रावण तर काय विचारू नका . वर्षा ऋतूत चक्क गर्भार झालेली प्रेमिका षोडश वर्षीय , सौभाग्याने नटलेली सर्व अलंकार धारण केलेली , ही अवनी प्रत्येक ऋतुत नाविन्यपूर्ण रंग धारण करतेच की !
शीशीरातील काळांत झालेली ,
वसंतात नवीन कोवळी पालवी फुटणार रंग कोण विसरेल का ? ग्रीष्मात तर चक्क सोन केसरी चकाकणारी , सोनेरी रंगात दिसतेच , तिच्या झळा सुध्दा तीव्र वाटू लागतात.
दिवसाचा रात्रीचा रंग प्रत्येक ऋतूतील रंग , हीच तर खरी रंग पंचमी आहे ना ? फक्त दृष्टी हवी डोळ्यात नजाकत हवी तरच , तिचे रंग वैभव पाहता येतील . काही म्हणा
सृष्टीचा खरी सावली किंवा तिची प्रतिमा ही हुबेहूब “स्त्री ” मध्येच जाणवत नाही का ? विविध रंग छटांनी विविध पैलुनी तिची प्रतिकृती साक्षात मूर्तिमंत उदाहरण म्हणजे च
अवनी , स्त्री , व माती !!
चित्र विचित्र रंगाची झाडे , पाने, फुले , त्यांचे विविध रंग , त्यांचे आकार , उकार , त्यांचा विशिष्ट असा सुगंध , त्यांची उमळण्याची कला , विविध रंगाचे पक्षी, मोरपिसांची नजाकत , मृदू मुलायम स्पर्श , त्याचा निल जांभळा , सोनेरी रंग कोणत्या कारखान्यात तयार होतो ?, टाटा बिर्ला , अंबानी, यांच्या का ? पळसाची लाल केसरी , गुलमोहोर ची लाल , बाभळीची पिवळसर हळदी , गोकर्णा ची निळी , गुलाबाची विविध रंगातील , कमळ फुलातील नजाकत ता , चंद्र विकास , सुर्य विकासी फुले,
तसच फळा बाबत म्हणता येईलच !
विविध अवीट गोडीची फळे , त्याचा रंग वास , चव , ही सर्व रंगाची उधळण कोणाची ? निसर्ग ती अवनी ती पृथा , ती मेदिनी , ती माती , ती सृष्टी , तिचाच चमत्कार ना , तिचे रूप रंग चराचरात भिन्न आकारात साकार झालेली माता ! सृष्टीची रंग पंचमी ही सदैव चालुच असते . तिच्या सारखे नटणे , मुरडणे, लाजणे, हसणे , हट्ट करणे , विविध रंगाची त्या त्यावेळी पखरण करणे हे फक्त तिलाच जमुन जाते , तो रंग व अंतरंग , सुप्तरंगा सारखा च ! केव्हा इंद्रधनुष्य जागे होईल व सप्तरंग देईल , ते फक्त तीलच ज्ञात !
काहीवेळा असे वाटते की, ह्या नर देहाला मोक्ष मिळण्यासाठी ह्या सर्व रंगाची योजना सृष्टीने करून ठेवली असावी . तो ज्ञानी व्हावा व जीव उद्धरून जावा , त्याला मिळालेले आयुष्य हे आनंदी समाधान कारक व्हावे म्हणूनच ह्या रंगाचा खटाटोप झाला असावा ! यात शंका नाही .

बालपणापासून ते वयस्क होई पर्यंत तिच्या सर्व रंगाची किमया व किमयागार ! सप्तरंगात उधळण करत असतेच ना ? त्यात तो जीवंत पणा आहे तो , नकली रंगात आहे का ?
रंग ओळखता आले पाहिजेत , प्रत्येक वेळा आपल्या सोयीनुसार रंग बदलणारा चेहरा पण ! सर्व काही सांगुन जातोच . जीवनात बरेच रंग आहेत , त्या त्या वेळी तो तो रंग धारण करतोच ! काही आतल्या गाठीचे रंग तर कमाल करून जातात . हर घडी हर पल रूप है जिंदगी !
असे हे रंगायन रसायन सप्तरंगात उजळुन आपले आयुष्य चाललेलं असतच मग वरच्या रंगाच्या प्रेमात न पडता , तुमच्या अंतरंगतील रंग उधळा व परस्पर प्रेम करा म्हणजेच खरी रंगपंचमी साजरी केल्याचा , आंनद शत पटीने वाढतो

भुता परस्परे जडो मैत्र जीवाची ।।

आपला विनीत

प्रो डॉ जी आर प्रवीण जोशी

अंकली बेळगाव

कॉपी राईट धुळवड
18 मार्च 22