You are currently viewing बाप

बाप

जागतिक साहित्य कला व्यक्तित्व विकास मंच सदस्य ज्येष्ठ लेखक कवी चंद्रशेखर धर्माधिकारी यांची काव्यरचना

पुरुषाला बाळंतपणाच्या
नाही सोसाव्या लागत कळा
तरी जबाबदारी टाळून
बाप होतच नाही मोकळा

अविरत उर्जा असणारी
बाप प्रपंच रथाची गती
कुटूंबियांसाठी झटणारा
एक सशक्त खंबीर व्यक्ती

संकटकाळी असतो बाप
कुटूंबासाठी आधार खरा
कोठून उगम पावतो हा
अव्याहत वाहणारा झरा

लाड नि कौतूक अपत्याचे
बापाला करावेसे वाटते
वाढदिवसासाठीचा केक
घरी घेऊन जावे वाटते

नेमके अशावेळी कामाच्या
बाॅसकडून येती सुचना
बाप वेळेत न आल्यामुळे
आनंद कसा मावळतोना

बापाच्या अपराधी मनास
उगाच वाटे घडला गुन्हा
घरच्यांना आश्वासीत करी
घडणार नाही असे पुन्हा

बापाच्या काळजाला काळजी
सारे काही व्हावे सुरळीत
नवनव्या कल्पना सांगून
घर ठेवी सदा आनंदीत

बापालाही समजून घ्याव
तो घराच्या पायातील शीळा
खचू न द्यावे तयाचे मन
आईच्या कुंकवाचा तो टिळा.

चंद्रशेखर द.धर्माधिकारी
वारजे,पुणे©️

प्रतिक्रिया व्यक्त करा

one × 5 =