सावंतवाडी
सावंतवाडी संस्थान ३६५ खेड्यांचा अधिपती आणि जागृत देवस्थान म्हणून परिचित असलेल्या तसेच रक्षणकर्ता व नवसाला पावणारा अशी ख्याती असलेल्या सावंतवाडी येथील श्री देव उपरलकर देवस्थानचा वार्षिक उत्सव आज दिनांक ३ रोजी साजरा होत आहे. यानिमित्ताने दर्शनासाठी सकाळपासूनच भाविकांनी मोठी गर्दी केली असल्याचे दिसून येत आहे. तसेच धार्मिक कार्यक्रमांना सुद्धा सुरुवात झाली आहे. या वेळी दर्शनासाठी येताना कोरोना नियमांचे पालन करावे असे आवाहन देवस्थानाचे मानकरी विद्याधर नाईक शितप यांनी केले आहे.
दरम्यान सावंतवाडीतील राजकारण्याचे दैवत असलेल्या श्री देव उपरालकर देवाचा उत्सव दरवर्षी प्रमाणे मोठ्या उत्साहात साजरा होत आहे. याच पार्श्वभूमीवर सकाळपासून विविध धार्मिक कार्यक्रमाचे आयोजन करण्यात आले आहे. तर दर्शनासाठी येणाऱ्या भाविकांनी कोरोना प्रतिबंधक नियमांचे पालन करून दर्शनाचा लाभ घ्यावा असे आवाहन देवस्थानच्या वतीन केले आहे.
