अकल्पित

जागतिक साहित्य कला व्यक्तित्व विकास मंच सदस्य लेखक कवी दीपक पटेकर यांची मित्राच्या स्मृतिदिन स्मृती जागृत करणारी काव्यांजली काव्यरचना

गंधाळलेल्या वाटा
दवांकुर तुडवीत आला
जीवन जगला
आनंदाने

पावलोपावली होती
बांधलेली तोरणे फुलांची
सुखी जीवनाची
सुरुवात

इष्ट आप्तेष्ट
सारे कुटुंब सोबती
कशाचीच नव्हती
कमी

मित्र मैत्रिणींनी
होता फुललेला मळा
तत्वच मैत्रीचे
पाळलेले

खेळ नशिबाचा
अवेळी बोलावणे आले
कुणा समजले
अकल्पित

दुःखाचा सागर
धारा अश्रूंच्या अखंडित
अकारण दंडीत
आयुष्यच

मिटतील स्मृती
ना कधी विसरतील
भले सरतील
दिवस