वामनराव महाडीक विद्यालयातील विद्यार्थ्यांनीं घेतला कोविड प्रतिबंधात्मक पहिला डोस

वामनराव महाडीक माध्यमिक विद्यालय व कनिष्ठ महाविद्यालय , तळेरे येथे कासार्डे प्राथमिक आरोग्य केंद्राच्या सहाय्याने कोव्हिड-19 प्रतिबंधात्मक लसीकरणास सुरूवात झाली यावेळी कासार्डे प्राथमिक आरोग्य केंद्राचे समुदाय अधिकारी डाॕ. धनश्री जाधव , आरोग्य सहाय्यक गणेश तेली , आरोग्य सेविका सुचिता तळेकर , सायली मस्के , आशा सेविका संचिता तळेकर , अंगणवाडी सेविका नेहा वायंगणकर , रिया आंबेरकर , मुख्याध्यापक एस.जी.नलगे , ए.एस. मांजरेकर, सी.व्ही. काटे, डी.सी. तळेकर , एन. बी .तडवी, पी.एन. काणेकर , पी.एम.पाटील, ए.बी. कानकेकर , ए.पी.कोकरे , एन.पी गावठे, व्हि.केसरकर , प्रकाश घाडी , देवेद्र तळेकर , आदी शिक्षक शिक्षकेतर कर्मचारी , पालक विद्यार्थी आदी उपस्थित होते .

विद्यालयाचे मुख्याध्यापक एस.जी. नलगे यांनी प्राथमिक आरोग्य केंद्राच्या टीमचे स्वागत केले. विद्यालयाच्या वतीने न घाबरता विद्यार्थ्यांनी लस घेण्याचे आवाहन करण्यात आले होते त्याला विद्यार्थ्यांनींही उस्फुर्त प्रतिसाद दिला
विद्यालयातील कौस्तुभ तेरवणकर या विद्यार्थ्यांला लस देऊन लसीकरणाला सुरूवात करण्यात आली . लस घेतलेल्या विद्यार्थ्यांनीं इतरानां लस घेण्याचे आवाहन केले. यावेळी विद्यालयातील एकूण 143 विद्यार्थ्यांना कोरोना प्रतिबंधात्मक लस देण्यात आली. माजी सभापती व शाळा समिती सदस्य दिलीपभाई तळेकर यांनी लसीकरण केंद्रावर भेट देऊन पाहाणी केली . रुग्णवाहिका व आवश्यक त्या सोईसुविधांसह काळजी घेत विद्यालयातील विद्यार्थ्यांचा लसीकरण टप्पा पूर्ण केल्याबद्दल अविनाश मांजरेकर यांनी प्राथमिक आरोग्य केंद्राच्या संपूर्ण टीमचे आभार मानले