*डॉ.शिवचरण उजैनकर फाउंडेशन (मुक्ताई नगर) चे सन्मा. सदस्य लेखक कवी मनोहर पवार लिखित अप्रतिम काव्यरचना*
*ती आता झालीय .. वणवा ……*
———————————
हो आता ती पेटलीय
स्वाभिमानाने…… !
स्वत्वासाठी ठामपणे
उभी राहून……..!
ती झालीय पेटता
निखारा घेवून……!
विखारी रान पेटवायला
वणवा व्होवून……!
ती आता निर्भर
झालीय…. लढाईसाठी
आत्मभान ठेवून……
अस्तित्वासाठी…..!
वणवा झालीय ती !
माजलेल्या जंगलात
श्वापदांना भक्ष्य……
करण्यासाठीच….!
फेकलीत तीने जुनी
पारंपारिक जोखड…..
अन् श्वेत वस्त्रे ही….!.
नवी वस्रे परिधान… करून…..!
आता तीच करेल….
सत्याचा निवडा अन्
देईल शिक्षाही…….!
सुड म्हणून नव्हे तर …
आत्मसन्मान …… मिळविण्यासाठीच
तीच…….!!
ती करेल दोन हात !
परिस्थितीशी अन्…… आक्रमक माणसांशी ही .
ती आहे नव्या युगाची
सावित्री अन्… रमाई…..! तसेच….
जिजाऊ कणखर ….!
स्वराज्य निर्माण करणारी
लढाऊं नारी शक्ती…..!
तीच नर रत्नाची खान
नकाच डिवचू तीचा
आत्मसन्मान !
नका करू अपमान !
पेटवेल ती आता हाती
लेखणी घेवून रान…..
अन लावेल वणवा….. !
मुजोर मदमस्त वस्तीला
नका जावू तीच्या….. वाटेला ..!!
……………….
नवीन सुर्योदयासाठी..!
मनोहर .✍🏽
