नेमळे (गांवकर कुंभारवाडी) येथे ॐ श्री योगेन्द्रनाथ श्री देव अनघा दत्त लक्ष्मी स्थिर प्रतिष्ठा सोहळा श्री योगेन्द्रनाथ महाराजांच्या व श्री मनोहर (बाबा)पेडणेकर यांच्या कृपाशीर्वादाने श्री देव दत्त लक्ष्मी स्थिर प्रतिष्ठा मंदिर स्थापना सोहळा बुधवार दिनांक २९ डिसेंबर ते ३१ डिसेंबर या कालावधीत धार्मिक विधी व विविध कार्यक्रमांनी संपन्न झाला.
मिती मार्गशीर्ष कृष्ण दशमी बुधवार दिनांक २९ रोजी सकाळी या कार्यक्रमांची सुरुवात झाली. त्यात सकाळी आठ वाजता प्रायश्चित्त विधि, रामरक्षा पठण व देवतांना नारळ ठेवून प्रार्थना तसेच सकाळी ९ ते १० यावेळेस गणपती पूजन, पुण्याहवाचन, आचार्यवरण , मंडप पूजा, मंडप प्रवेश, ध्वजारोहण, व प्रकारशुद्धी हे कार्यक्रम पार पडले. त्यानंतर १०:३० ते १:३० या वेळी जत्राधिवास, पीठदेवता, आवाहन, पूजन व रात्री ८ नंतर भजन हरिपाठ व हरिकीर्तन असे कार्यक्रम झाले.
कार्यक्रमच्या दुसऱ्या दिवशी म्हणजे गुरुवार दिनांक ३० रोजी सकाळी आठ ते दहा यावेळी आवाहीत देवतापूजन, शैय्यानिवास, अग्नीस्थापना व सकाळी ९ ते १० वास्तुयाग, ग्रहयाग, प्रधान देवतांचे पर्यायी वहन, तत्वादी हवन, आदी कार्यक्रम झाले, त्यानंतर शेवटच्या म्हणजे ३१ डिसेंबर रोजी सकाळी ८ ते १० या वेळेत आवाहित देवतापूजन उर्वरित हवन स्थापना मुहूर्त, तदनंतर सकाळी ९ ते १० बलिदान, पूर्ण हूत स्थापीत देवतांची पूजा , सकाळी ११ ते १ महापूजा ,महानैवेद्य, उत्तरांग आरती तीर्थप्रसाद व दुपारी १:३० वाजता महाप्रसाद झाला, त्यानंतर रात्री ८ वाजता भजनाचे कार्यक्रम झालेे. या सर्व कार्यक्रमांचे व्यवस्थापक सत्यवान सोंसुरकर, सौ. सावित्री सोंसुरकर (योगेंद्रनाथ भक्त सेवा मंडळ श्री अनघा दत्त लक्ष्मी मंदिर) , गावकर कुंभारवाडी मित्र मंडळ आदी होत.
