You are currently viewing नवीन वर्ष

नवीन वर्ष

जागतिक साहित्य कला व्यक्तित्व विकास मंच सदस्य ज्येष्ठ लेखक कवी श्री अरविंदजी ढवळीकर यांची अप्रतिम काव्यरचना

म्हणती आले वर्ष नवे जे काळा आधीन आहे
आज फक्त परी भिंतीवर केलेंडर नवीन आहे

जल बदले का बदलून पात्रा
काय बदलते जीवन यात्रा ,?
शोध अंतरी बघ् आंनदाचा साठा भरून आहे
आज फक्त परी भिंतीवर केलेंडर नवीन आहे

जमतील सारे सखे सोबती
नृत्य गायनी करतील मस्ती
क्षण सरता ते ज्योत आभासी जाते विझून आहे
आज फक्त परी भिंतीवर केलेंडर नवीन आहे

संस्कारांचे धन तुज पाशी
धरी न चिंता कधी मनाशी
चरण स्पर्श संतांचे जेथे ईश ही विलीन आहे
आज फक्त परी भिंतीवर केलेंडर नवीन आहे

आधी व्याधी जरी संकटे
सोडती न ते तुला एकटे
समाधिस्थ चैतन्य ब्रम्ह जे आजही पावन आहे
आज फक्त परी भिंतीवर केलेंडर नवीन आहे

अरविंद

प्रतिक्रिया व्यक्त करा

13 + 7 =