You are currently viewing कष्टाळू माय

कष्टाळू माय

कष्ट उपसले फार
केलं काळजाचं पाणी
माझी कष्टाळू माउली
होती गोड तिची वाणी

माया दिली पदराची
झाली बहिणींची आई
अशी कशी माय तुने
जाण्यासाठी केली घाई?

तुझी आठवण येता
काठ डोळ्यांचे भरते
लेक तुझ्या भेटीसाठी
रात दिवसा झुरते

शिकविले लेकरांना
दिली बापाची सावली
भुक्या पोटानं ज्ञानाची
ज्योत अंतरी लावली

कधी फिटणार नाही
थोर तुझे उपकार
गेली निघून वैकुंठी
सारा सोडून संसार
➖➖➖➖➖➖➖➖
*लिलाधर दवंडे*
८४१२८७७२२०

प्रतिक्रिया व्यक्त करा

1 + 7 =