आम्ही बालकवी संस्था सिंधुदुर्गचे संस्थापक कवी श्री राजेंद्र गोसावी यांची काव्यरचना

घ्यावा पुर्नजन्मं
व्हावे पावन इथे
नतमस्तक आजही आम्ही
माथा टेकवावा जिथे

फुलते शब्दांची बाग
बालपण बहरते
चिवचिवाट चिमण्यांचा
अंग अंग शहारते

मस्ती , खेळणे , बागडणे
रोज नव नवे वेध
वटवृक्षाच्या सावलीत
जग कल्यांणा बोध

शिकवण शाळेची
जगा लावी वेड
कित्येक जीवांची रुजते
येथेच मुहुर्तमेढ

देव ही व्यापला इथे
कणा कणात कणभर
माय माझी शाळा
माझे विदयेचे मंदीर

राजेंद्र गोसावी .
आम्ही बालकवी संस्था , सिंधुदुर्ग
९४०५७७८७२६