जागतिक मराठी साहित्य कला व्यक्तित्व विकास मंच सदस्य कवी लेखक मुबारक उमरानी यांची काव्यरचना

काट्याच्या फांदीवरती
रक्तफुले बोलत होती
दु: ख झुल्याचे झेलत
काट्यासवे झुलत होती

फुलपाखरु रुतले
निवडुंगी झुडपात
फडफडत पंखात
अंगाई बोले रात

नागफणी खोटे काढी
पाल्याची सळसळ
येता झोका वा-याचा
काटेफांदी सोसे कळ

बगळ्याचे चूकले थवे
आसमंती फिरतात
चांदण झेलत झेलत
फेसाटी झुडुपी शिरतात

खळखळ झरा पाण्यात
खेकडे सेना फळतांना
भयभीत मासे कल्लोळी
रातकिडे चीत्कार राना

पायवाटा फसवतांना
हसतात इवले गवत
रानगाय चरतां चरता
गावताचे करते रवत

रक्तफुले सोसता सोसता
टिपकते रक्ताश्रू नयन
शल्य ह्दयी झेलत झेलत
जीवनाचे नसे हाती चयन

©मुबारक उमराणी
सांगली
९७६६०८१०९७.