जागतिक मराठी साहित्य कला व्यक्ती विकास मंच सदस्य राष्ट्रीय प्रतिभा पुरस्कारित ज्येष्ठ लेखक,कवी प्रा.डॉ.जी.आर.उर्फ प्रवीण जोशी यांची महाराष्ट्राचे लोकसंगीत लावणी रचना
तो
एक पुसतो सवाल ऐसा
उत्तर दे तू राणी ग
जमा खर्चाचा डाव मांडतो
कुठला असला प्राणी ग
जिजिजी सजने माझी तू ग
मैना माझी तू ग
जिजिजी र जिजिजी र जी
ती ( उत्तर )
झाली चूकभूल देणे घेणे
हीच जगाची रीत खरी
शिवशक्तीची ताकद भारी
कोण करील र बरोबरी
जिजिजी माझा राया तू र
माझा सर्ज्या तू र
जिजिजी र जिजिजी र जी
धर्तीवर पाऊस बरसतो
एकमेकांना अस्ती ओढ
प्रपंच रंगे सारीपाटासम
जन्मजातीच फळ हे गोड
जिजिजी माझा राया तू र
माझा सर्ज्या तू र
जिजिजी र जिजिजी र जी
नारीवीना ना नर निपजती
जन्म घेणार पुरुष बीज
ढगफुटीला ढग हे कारण
घर्षणाने चमके वीज
जिजिजी माझा राया तू र
माझा सर्ज्या तू र
जिजिजी र जिजिजी र जी
दिव्याला ही वात पाहिजे
गरज वातीला पणतीची
वात जळाया तेल पाहिजे
तेल जळाया ठिणगीची
जिजिजी माझा राया तू र
माझा सर्ज्या तू र
जिजिजी र जिजिजी र जी
दिल्या घेतल्याविना जन्म ना
व्यवहार चाले जगताचा
आंबेचा मग पोत जाळुनी
सम्बळ वाजे गोंधळाचा
जिजि र जी
राया माझा तू र …… राणी माझी तू ग
सर्जा माझा तू र……. सजनी माझी तू ग
है जिजिजी र जिजिजी र जी
प्रो डॉ प्रवीण उर्फ जी आर जोशी
नसलापुर / बेळगांव
