त्या राख्या काही वेगळ्याच होत्या
रंग सोडणाऱ्या रंगात रंगलेल्या होत्या
मायेचा स्पर्श तर होताच होता
थरथरणारा असला तरी हातच होता

त्या राख्या काही वेगळ्याच होत्या
स्पंजची फुले फुलवित होत्या
ओलेता स्पंज जिव्हाळा पाझरत होता
सुटलेला रंग मनगटी शोभत होता

त्या राख्या काही वेगळ्याच होत्या
झिम्माड यष्ट्या भरल्या होत्या
उभ्याने प्रवासून भावा बहिणींना
वर्षा काठी तरी भेटवित होत्या

त्या राख्या काही वेगळ्याच होत्या
पोळ्या पर्यंत मनगटी विरसत होत्या
लागला भादो अता काढ म्हटलं
तरी, त्या तुटतच नव्हत्या

ह्या राख्या काही वेगळ्याच आहेत
रंगांचे कृत्रिम रंग लेवियेल्या आहेत
अळेबळेच शुष्क हस्ते
पोस्टे धाडील्या आहेत

ह्या राख्या काही वेगळ्याच आहेत
कुपी अत्तरे शिंपडली आहेत
प्रेम सुवास हरविेली आहेत
कीमती मात्र स्पर्धा करीत आहेत

ह्या राख्या काही वेगळ्याच आहेत
भावा बहिने भेटण्या परि
डेस्टिनेशने सुट्टी घालवीत आहेत
फोटो परि राखीचे पाठवीत आहेत

ह्या राख्या काही वेगळ्याच आहेत
मावळतीला हातावेगळ्या होत आहेत
चांदी रुप्याने मढविल्या शिवाय
घट्ट हाती न ठहरत आहेत

ह्या राख्या काही वेगळ्याच आहेत
चुटकीसरशी इकडून तिकडे जात आहेत
इंटरनेटे प्रोग्रॅम देता कर्तव्ये पार पाडीत आहेत
तुटल्या नात्यांना सांधित आहेत 😥

राजा जोशी
२३.०८.२०२१
9823687519