आज दुपारी सिंधुदुर्ग जिल्हा शिक्षक भारतीच्यावतीने जिल्हाध्यक्ष संजय वेतुरेकर यांचे नेतृत्वाखाली जिल्ह्यातील तसेच राज्यातील माध्यमिक शिक्षक शिक्षकेतर कर्मचाऱ्यांच्या विविध मागण्यांसंदर्भात शासनाचे लक्ष वेधण्यासाठी जोरदार लाक्षणिक धरणे आंदोलन छेडण्यात आले.
यामध्ये बीडीएस प्रणाली तात्काळ सुरु करा, घोषित अघोषित विनाअनुदानित माध्यमिक -उच्च माध्यमिक तुकड्यांना अनुदान द्या, शाळा तिथं! मुख्याध्यापक पद मंजूर करा, शालार्थ आयडी संगणक प्रणाली त्वरित रद्द करा, ड्युटीवर असताना कोवीड आजाराने मयत झालेल्या कर्मचाऱ्यांच्या पाल्यांना अनुकंपा तत्वावर नोकरी ला घ्या!,अध्यापन कारण्यासाठी शिक्षकांना कोवीड ड्युटीतुन वगळावे, नॉन क्रिमिलियरचे प्रमाणपत्र मिळण्यासाठी 4 जानेवारीचा शासन निर्णय त्वरित लागू करावा. लेखापरीक्षकांचा वाढता हस्तक्षेप व चुकीच्या पद्धतीवर निर्बंध घाला, अशा एकुण १५विविध अनेक मागण्यासंदर्भात क्रांती दिनाचे औचित्य साधून सिंधुदुर्ग जिल्हा शिक्षक भारतीच्या वतीने जि.प सिंधुदुर्ग व माध्यमिक शिक्षणाधिकारी कार्यालयासमोर जोरदार निदर्शने करण्यात करीत लाक्षणिक उपोषण छेडण्यात आले. या आंदोलनात सी.डी.
चव्हाण,माणिक पवार, गोविंद सारंग इतर कार्यकर्ते उपस्थित होते.

दुसरे आंदोलन-

माध्यमिक शाळेतील शिक्षक उपस्थितीवरून शिक्षक भारती आक्रमक….

माध्यमिक शाळेतील शिक्षक शिक्षकेतर उपस्थिती संदर्भात ठोस निर्णय होत नसल्याने शिक्षक भारतीने आक्रमक होत शिक्षक भारतीच्यावतीने आज जिप सिंधुदुर्ग शिक्षणाधिकारी कार्यालयासमोर लाक्षणिक धरणे आंदोलन जिल्हा सचिव सूरेश चौकेकर यांच्या नेतृत्वाखाली छेडले. जिल्ह्यातील माध्यमिक शाळेतील शिक्षकांची उपस्थिती बाबत माध्यमिक शिक्षणाधिकारी यांनी ठोस निर्णय घ्यावा व उपस्थितीबाबत एकवाक्यता आणावी यासाठी आज आंदोलन हे छेडण्यात आले.
या आंदोलन शिक्षक भारतीचे कार्याध्यक्ष प्रशांत आडेलकर,संघटक समीर परब, उपाध्यक्ष जनार्दन शेळके,राज्य प्रतिनिधी सी.डी.चव्हाण,डी.बी.
कांबळे,,गोवींद सारंग, दत्ताराम जाधव, देवेंद्र सावंत, आनंदा जाधव, हेमंत सावंत, प्रसाद मसूरकर, स्वप्निल पाटील , अमर राठोड, निलेश राठोड व अन्य पदाधिकारी व कार्यकर्ते उपस्थित होते.