कणकवली

कणकवली शहरानजीकच्या सेंट उर्सला इंग्लिश मीडियम स्कुल वरवडे येथे इयत्ता 7 वीत शिकणारी दुर्वा नागेश मुसळे या विद्यार्थिनीने इंटरनॅशनल मॅथ्स , सायन्स आणि इंग्लिश ओलंपियाड या तिन्ही परीक्षेमध्ये प्रथम क्रमांक व गोल्ड मेडल प्राप्त करत दैदिप्यमान यश मिळविले आहे .दुर्वा हिने बीडीएस परीक्षेत 100 पैकी 93 गुण प्राप्त केले आहेत. कु . दुर्वा ही मुळातच हुशार असून तिने क्रमिक अभ्यासक्रमात सातत्याने यश मिळविले आहे . त्याच बरोबर विविध स्पर्धामध्ये सातत्याने यश मिळविले आहे . तिने दरवर्षी ऑलिम्पियाडमध्ये स्कूलमध्ये गोल्ड मेडल , ब्रेन डेव्हलपमेंटमध्ये गुणवत्ता यादीत स्थान पटकावले आहे . इयत्ता पाचवीमध्ये स्कॉलरशिप जिल्हा गुणवत्ता यादीमध्ये ती चमकली होती . होमी भाभा स्पर्धेत प्रथम स्टेजमध्ये निवड झाली होती , मंथन परीक्षेमध्ये गुणवत्ता यादीत स्थान पटकावले होते.केंद्र शाळा कासार्डे नंबर 1 च्या शिक्षिका श्रीम . पूजा नागेश मुसळे यांची मुलगी असून तिच्या या यशाबद्दल सिंधुदुर्ग जिल्ह्याच्या शैक्षणिक क्षेत्रातून कु. दुर्वा हिचे अभिनंदन करण्यात येत आहे