वैभववाडी
नापणे येथील स्व. भरत बोडेकर युवा प्रतिष्ठान, टीम परिवर्तन व मान सम्मान प्रतिष्ठान यांच्या माध्यमातून २५ जणांना धान्य वाटप करण्यात आले. कोरोना काळात रोजगार गमावलेल्या कुटुंबांना या संस्थांनी मदतीचा हात दिला आहे. त्यांच्या या सामाजिक कार्याच सर्वत्र कौतुक होत आहे.
कोरोना काळात अनेकांचे रोजगार गेले. त्यामुळे ब-याच कुटुंबांची आर्थिक घडी विस्कटली. अशा या महामारीत सामाजिक संस्था पुढाकार घेऊन अशा गरजवंताना मदत करीत आहेत. नापणे येथील अशा तीन सामाजिक संस्था व तरूण यांनी एकत्र येत आपल्या भागातील गरजूंना धान्य वाटप केले आहे. २५ जणांना जीवनावश्यक वस्तुंचे वाटप केले आहे. गावातील या तरुणांचे सर्वत्र कौतुक होत आहे.
