सावंतवाडी
सावंतवाडीतील कै. भाईसाहेब सावंत आयुर्वेदिक कॉलेजचे निवृत्त प्राचार्य डॉ. ओमप्रकाश पांडे (वय ७४) यांचे रविवारी सकाळी ८ च्या सुमारास उत्तरप्रदेश- अशोकपूर येथील त्यांच्या निवासस्थानी निधन झाले. अचानक ताप येऊन प्रकृती अस्वास्थ्य झाल्याने त्यांना नजिकच्या रूग्णालयात नेण्यात आले.
परंतु रूग्णालयात पोहोचण्याआधीच त्यांची प्राणज्योत मालवली. प्राचार्य पांडे हे लेह-लडाख येथे कार्यरत असलेले आय.पी.एस. अधिकारी राजीव पांडे यांचे वडिल होत. त्यांच्या पश्चात पत्नी, मुलगा, २ मुली, सुना, जावई, नातवंडे असा परिवार आहे. प्राचार्य पांडे हे १९८१ ते २०११ अशी तब्बल ३० वर्षे सावंतवाडीतील आयुर्वेदिक काॅलेजमध्ये कार्यरत होते. महाविद्यालयाचे प्राचार्य म्हणूनही त्यांनी जबाबदारी सांभाळली होती.
