*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी चंद्रशेखर कासार लिखित अप्रतिम लावणी*

*इश्काचं फटूकं* 

आला दिवाळी सण तुम्ही घर ला या ना

अहो राया इश्काचं फटूकं फोडा ना ||धृ||

दिवाळीची चाहूल आली या दारात

प्रेमाचं पाऊल आज पडावं घरात

नका करू उशीर जरा घाई करा ना

अहो राया इश्काचं फटूकं फोडा ना ||१||

मिरवू नका तुमची मिशी सावकारी

कुठं कुठं फिरतायं कंच्या बाजारी

येताना माझ्या साठी पैठणी आना

अहो राया इश्काचं फटूकं फोडा ना ||२||

स्वागताला हार फुले सजवून आली

मिष्टान्न पान वीडा गाली गुलाबी लाली

वठावरचं गुलकंद चाखाया या ना

अहो राया इश्काचं फटूकं फोडा ना ||३||

इत्राचा सुगंध वेड लावी जीवाला

प्रेमाच्या मोहात हळूच भुंगा फसला

मखमली सेज वर गप्पा मारू या ना

अहो राया इश्काचं फटूकं फोडा ना ||४||

फटूकं भरलंय दारू गोळा ठासून

सांभाळून रहा जाम करेल फुटून

फटूकं फोडाया गुलकाडी लावा ना

अहो राया इश्काचं फटूकं फोडा ना||५||

कवी :-

*चंद्रशेखर प्रभाकर कासार*

*चांदवडकर, धुळे.*

७५८८३१८५४३.