जलसंधारणासाठी देवगड व्यापारी संघाचा पुढाकार

वनराई बंधारे उभारण्यासाठी एक हजार पिशव्यांचे पाणीपुरवठा सभापती तन्वी चांदोस्कर यांच्याकडे हस्तांतरण

देवगड

यंदा महाराष्ट्रातील अनेक भागांत जाणवलेल्या दुष्काळी परिस्थितीच्या पार्श्वभूमीवर भविष्यातील पाणीटंचाईवर मात करण्यासाठी जलसंधारणाची गरज लक्षात घेऊन देवगड व्यापारी संघाने पुढाकार घेतला आहे. वनराई व कच्चे बंधारे उभारण्यासाठी आवश्यक असलेल्या एक हजार पिशव्या देवगड-जामसंडे नगरपंचायतीच्या पाणीपुरवठा सभापती तन्वी चांदोस्कर यांच्याकडे सुपूर्द करण्यात आल्या.
पावसाचे पाणी अडवून ते जमिनीत मुरविणे, भूजल पातळीत वाढ करणे आणि आगामी काळातील पाणीटंचाईची तीव्रता कमी करणे, हा या उपक्रमाचा मुख्य उद्देश आहे. वनराई बंधाऱ्यांच्या माध्यमातून उपलब्ध पाण्याचे संवर्धन करून त्याचा योग्य विनियोग करण्यासाठी ही मोहीम राबविण्यात येणार आहे.
या वेळी देवगड तालुका व्यापारी संघाचे अध्यक्ष शैलेश कदम, महिला व्यापारी संघाच्या अध्यक्षा प्रियांका साळसकर, तृप्ती पारकर, योगेश चांदोस्कर, पाणीपुरवठा अधिकारी चारू पारकर, नगर अभियंता विवेक खोत आणि अमर उपस्थित होते.
जलसंधारणाच्या कामात व्यापारी संघाने दिलेल्या या सहकार्यामुळे वनराई बंधारे उभारण्याच्या मोहिमेला बळ मिळणार असून, पाणी संवर्धनासाठी या उपक्रमाचे महत्त्व अधोरेखित झाले आहे.
Rewrite headline more concisely
Correct the headline wording
Shorten the news article