*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*मोह कुणाला ना आवरतो*

बसून कुणा राहावेल का

अस्वस्थ करतो त्याला वास

आंबेमोहर असा दरवळे

उडी मारली *पाहून रास*

//1//

असे जरी तो बाल गणेश

मोह कुणाला का चुकला

पाहून सुटले सोंडेस पाणी

तांदूळ राशीवर तो बसला

//2//

काय भरवसा यजमानाचा

वाटून टाकील *सर्वांना*

रहावे लागेल उपाशी रात्री

कठीण होईल भूक आवरताना

//3//

वाट पाहून थकून गेला

नाही झाली आरती सुरू

मुहूर्त गेला *टळून जरी*

मनी म्हणाला कोणा विचारू

//4//

करून हिय्या मनात मोठा

स्मरण केले *यजमानाचे*

मनात मागून क्षमा थोडी

धाडस केले मोदक घ्यायचे

//5//

पूजा करावी *वेळेवरती*

बाप्पा सुद्धा *तळमळतो*

म्हणून *सांगतो सर्वांना*

मोह कुणाला ना आवरतो

6

विनायक जोशी 🖋️

वसंत विहार, ठाणे

93 24 32 41 57