*जागतिक साहित्य कला व्यक्तित्व विकास मंचचे जनसंपर्क अधिकारी लेखक कवी विलास कुलकर्णी लिखित अप्रतिम लावणी*
*लावणी : चुडा*
पिचला ग बाई आज नवाकोरा चुडा
सोडा सोडा राया हात माझा सोडा l
हौसेने भरला होता लग्नाच्या दिवशी
हळदीची काया हिरवी बांगडी खाशी
कुठं शोधू आता वरचा नक्षीचा खडा
सोडा सोडा राया हात माझा सोडा l
नव्या नवरीला समजून घ्यावं जरा
जाणून तिच्या हळव्या मनाचा कोपरा
बरा नव्हं तोरा रुबाब करता केव्हढा
सोडा सोडा राया हात माझा सोडा l
घोटघोट रीचवा गोड अमृताचा घडा
नाजूक मनगटाला जाईल बाई तडा
रात संपली कुठं अजून धीर धरा थोडा
सोडा सोडा राया हात माझा सोडा l
विलास कुलकर्णी
मीरा रोड
7506848664
