पोस्टल पेन्शनधारकांसाठी 20 जुलैला गोवा येथे पेन्शन अदालत 

सिंधुदुर्गनगरी

 पोस्टल पेन्शनधारकांच्या तसेच कुटुंब निवृत्तिवेतनधारकांच्या तक्रारींचे प्रभावी निवारण करण्यासाठी पोस्टमास्तर जनरल, क्षेत्रीय कार्यालय गोवा यांच्यावतीने सोमवार, 20 जुलै रोजी दुपारी 3 वाजता पोस्टमास्तर जनरल, क्षेत्रीय कार्यालय पणजी (गोवा)  -403001 येथे पेन्शन अदालत आयोजित करण्यात आली आहे. या अदालतीचा लाभ गोवा राज्यासह सांगली, कोल्हापूर, रत्नागिरी आणि सिंधुदुर्ग जिल्ह्यातील पात्र निवृत्तिवेतनधारकांना मिळणार आहे.

            टपाल विभागाचे निवृत्तीवेतनधारक ज्यांचे तीन महिन्याच्या आत पूर्तता झालेली नाही अशा प्रकरणांचा डाक पेन्शन अदालतमध्ये विचार केला जाईल. टपाल विभागातून निवृत्त झालेल्या किंवा सेवेत असताना मृत्यू झालेल्या कर्मचाऱ्यांच्या कुटुंब निवृत्तिवेतनधारकांच्या लाभांशी संबंधित तक्रारींचा या अदालतीत विचार करण्यात येणार आहे. उत्तराधिकारी तसेच धोरणात्मक स्वरुप संबंधित तक्रारी पेंशन अदालत मध्ये विचारात घेतली जाणार नाहीत. तसेच तक्रारींचा उल्लेख सर्व तपशिलांसह केलेला असावा.  

            निवृत्ती वेतनधारकांनी आपले अर्ज महेश एन., वरिष्ठ लेखा अधिकारी/ सचिव कार्यालय, गोवा क्षेत्रीय कार्यालय, पणजी -403001 यांच्या नावे 6 जुलै रोजी किंवा यापूर्वी पाठवावेत. तसेच अर्ज acct.goa@indiapost.gov.in ई-मेलवरही पाठविता येतील. 6 जुलैनंतर प्राप्त होणाऱ्या अर्जांचा पेन्शन अदालतीत विचार करण्यात येणार नाही.