*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*
*आपण केली तेव्हा जिगर*
काळ सुखाचा आज आठवतो
तेव्हा होतीस तू सायकल क्वीन
असायची पोरे कितीक पाठी
दोस्ती होती आपली *नवीन*
१
घेऊनि भाड्याने तासावरती
गाठले होते *त्र्यंबकेश्वर*
नव्हते *ठाऊक* जरी घरी
विश्वास होता *आपल्यावर*
२
सायकल “डेचे” नव्हते फॅड
जायचो आपण डबल सीट
व्हायचा टायर “पंचर” कधी
उडायची मग “त्रेधातिरपीट”
३
पडून फुटायचे ढोपर कोपर
मारायचं *थाप* तेव्हा घरी
सांगून कारण कबड्डी खेळ
थापा मारायचो वरच्यावरी
४
असून साधी हरक्युलीसची
नव्हते कुठले गिअर बियर
बसून कधीतरी “चार जण”
आपण केली तेव्हा “जिगर”
५
विनायक जोशी 🖋️ठाणे
मोबाईल/9324324157
