*काव्यप्रेमी महाराष्ट्र समूहाचे सन्मा सदस्य ज्येष्ठ लेखक कवी भूमिपुत्र वाघ लिखित अप्रतिम काव्यरचना*

*जोंधळा…*

वरुनाचं उपकार.

समाधानी पावसाळा.

बापाच्या फ़डामंदी

असा झुलतो जोंधळा . . . .

पोटरा उसवला.

तिथं पाखरांचं येणं जाणं.

चोची चिंबिती पाखरे

जोंधळ्याचे दुध दानं. . . . . .

जोंधळ्याला पाणी देता.

चिखलात जाई तोल.

भेगाळलेल्या टाचेमंदी

बिबव्याचं लावी तेल.. . . .

जसी कनसं चिकाळती.

आगठीचा निघे धूरं .

हुरडा खाण्यासाठी

सुटे जिभिला पाझरं . . . .

भेडी कनसं फ़डामंदी.

भल्लरीला आला सुर.

बाप्पाचा आनंदाने

भरून आला ऊरं. . . . .

झाली मळणी कणसांची.

घरं पोत्यांनी भरू आलं.

माऊलीच्या चेहर्यावर.

आनंद ओसांडलं . . . .

भूमिपुत्र वाघ