छत्रपती शिवाजीनगर व छत्रपती शिवाजी महाराज चौकमधील शिवपुतळ्यांना नगराध्यक्षांकडून अभिवादन

​​कणकवली​

​कणकवली शहरात ठिकठिकाणी शिवजयंती शासकीय नियम पाळत मोठ्या उत्साहाने साजरी करण्यात आली. नगराध्यक्ष समीर नलावडे यांच्याहस्ते छत्रपती शिवाजी महाराज चौकातील छत्रपतींच्या पुतळ्याला पुष्पहार घालत मानाचा मुजरा करण्यात आला. यावेळी स्थानिक कमिटी पदाधिकाऱ्यांच्या​ ​हस्ते शाल श्रीफळ देऊन नगराध्यक्ष नलावडे यांचा सत्कार करण्यात आला. शिवाजीनगर येथील छत्रपतींच्या पुतळ्याला नगराध्यक्ष नलावडे यांनी पुष्पहार अर्पण केला. यावेळी शिवप्रेमींकडून शिवजयघोष करण्यात आला. यावेळी डॉ​.​ विद्याधर तायशेटे, आनंद पारकर, भाई परब, आनंद पारकर, बच्चू प्रभूगावकर, दिलीप हिंदळेकर, हनिप पिरखान, राजू वरने आदी उपस्थित होते.