भारतातील ग्राहकांसाठी हँडसेट निर्माता कंपनी विवो एक नव्हे तर तब्बल ११ स्मार्टफोन लाँच करणार आहे. तेही एप्रिल महिन्यापर्यंत. कंपनीने तशी तयारी केली आहे. यात फ्लॅगशीप Vivo X60 series आणि Vivo X50+ स्मार्टफोन्सला पुढील महिन्यात लाँच करण्याची शक्यता आहे.

विवो पुढील महिन्यात मार्चच्या अखेरपर्यंत किंवा एप्रिलच्या सुरुवातीला आपली Vivo X60 seriesला लाँच करणार आहे. या सीरीज अंतर्गत Vivo X60, Vivo X60 Pro आणि Vivo X60 Pro+ स्मार्टफोनला बाजारात उतरवले जाऊ शकते. विवोने एक्स ६० आणि एक्स ६० प्रो स्मार्टफोनला डिसेंबर मध्ये बाजारात उतरवले होते. तर एक्स ६० प्रो प्लस स्मार्टफोनला जानेवारीत चीनच्या मार्केटमध्ये उतरवले होते.

विवो कंपनीने आपल्या Vivo X60 Pro+ स्मार्टफोनला Snapdragon 888 पॉवर्ड प्रोसेसर सोबत बाजारात उतरवले होते. विवोने आतापर्यंत भारतात बजेट आणि मिड रेंज स्मार्टफोन्सला लाँच केलेले आहे. परंतु, Vivo X50 Series नंतर हा पहिला प्रीमियम स्मार्टफोन्स असणार आहे. विवो एक्स ६० प्रो प्लस जबरदस्त gimbal स्टॅबलाइजेशन सोबत येतो. याआधी सर्वात पहिले विवो एख्स ५० प्रो मध्ये पाहिले होते. कॅमेरा लेन्स द्वारा जबरदस्त लाइट ट्रान्समिशनसाठी Zeiss T* कोटिंग आहे.

फोनच्या बॅक पॅनेलवर क्वॉड रियर कॅमेरा सेटअप आहे. ४८ मेगापिक्सलचा, Sony IMX598 प्रायमरी कॅमेरा सेन्सर, सोबत ५० मेगापिक्सलचा Samsung GN1 कैमरा सेंसर, ३२ मेगापिक्सलचा डेप्थ कॅमेरा सेन्सर आणि ८ मेगापिक्सलचा पेरीस्कोप सेन्सर आहे. ६० एक्स सुपर झूम सपोर्ट करतो. सेल्फी आणि व्हिडि कॉलिंगसाठी यात ३२ मेगापिक्सलचा फ्रंट कॅमेरा सेन्सर दिला आहे. Vivo X60 Pro+ मध्ये ६.५६ इंचाचा अमोलेड डिस्प्ले असून याचा रिफ्रेश रेट १२० हर्ट्ज दिला आहे.

सिक्योरिटी साठी या फोनमध्ये इन डिस्प्ले फिंगरप्रिंट सेन्सर दिला आहे. फोनला पॉवर देण्यासाठी 4,200 mAh ची बॅटरी दिली आहे. ५५ वॉट फास्ट चार्जिंग सपोर्ट दिला आहे. हा फोन अँड्रॉयड ११ वर आधारित OriginOS 1.0 वर काम करतो. विवो एक्स ६० सीरीज सोबत भारतात Vivo X50 Pro+ ला सुद्धा लाँच करण्याची शक्यता आहे. याशिवाय कंपनी Vivo V21 series च्या अंतर्गत विवो वी21 आणि विवो वी21 प्रो स्मार्टफोन लाँच करू शकते.