*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*फटकून त्याला मुली टाळती*

फुलून तरारता *जाईजुई*

गंध दरवळतो ओल्या प्रेमाचा

चंद्र रोहिणीचा प्रणय रंगतो

पहात गंधाळलेल्या बागेचा

1

असल्या दूर जरी त्या बागा

तरूण तरुणाई रंगते त्यात

चंद्र दावितो *प्रणय चेष्टा*

आपण आहोत किती सुखात

2

उभी राहून दूर *सदाफुली*

हसतसे आपल्या मैत्रीणीला

ओल्या बागेत गंध दरवळतो

नाहून निथळलेल्या चमेलीला

3

सडा पाहून बकुळ फुलांचा

हंसतो केवडा कुंपणावररती

वैषम्य वाटते *त्यालासुद्धा*

फटकून त्याला मुली टाळती

4

ओला ओला गंध *मातीचा*

प्राजक्ताला करतो *सलाम*

गंधीत करून उपकार केले

वा-यास घातला त्याने लगाम

5

*हसरी बोचरी* बोगनवेल

रंग आकर्षणातून *खुणावते*

नजर ठेवून *ओली* आपली

मधुमालती कमान सांभाळते

6

विनायक जोशी 🖋️ठाणे

मीलनध्वनी/9324324157