महाराष्ट्र राज्य फुटबॉल संघात निवड; रोटरी क्लब ऑफ सावंतवाडीच्या वतीने विशेष सन्मान

सावंतवाडी :

शहरातील मिलाग्रीस येथील इयत्ता आठवीत शिक्षण घेणारी फुटबॉल खेळाडू समृद्धी अरुण गावडे हिच्या उल्लेखनीय कामगिरीबद्दल रोटरी क्लब ऑफ सावंतवाडी यांच्या वतीने गौरव करण्यात आला. आपल्या उत्कृष्ट खेळाच्या जोरावर समृद्धीने नुकतेच महाराष्ट्र राज्याच्या फुटबॉल संघात स्थान मिळवले आहे.

या यशाबद्दल समृद्धी हिचा मुंबई येथील वानखेडे स्टेडियम येथे शासनाच्या स्कॉलरशिपसह विशेष सत्कार करण्यात आला. या कार्यक्रमाला राज्याचे मुख्यमंत्री देवेंद्र फडणवीस, जागतिक फुटबॉलपटू लिओनेल मेस्सी तसेच भारतरत्न सचिन तेंडुलकर यांची प्रमुख उपस्थिती होती.

समृद्धीने मिळवलेल्या या प्राविण्यामुळे सिंधुदुर्ग जिल्ह्याचा नावलौकिक वाढवला आहे. त्याबद्दल रोटरी क्लब ऑफ सावंतवाडीच्या वतीने तिचा विशेष सन्मान करण्यात आला. यावेळी क्लबचे अध्यक्ष ॲड. सिद्धार्थ भांबुरे, सेक्रेटरी सिताराम तेली, खजिनदार आनंद रासम यांच्यासह रोटरी क्लबचे पदाधिकारी तसेच समृद्धीचे वडील, सेवानिवृत्त सैनिक अरुण गावडे उपस्थित होते.