*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*स्वप्नातील “स्वप्ना”*

लिहू लागलो कविता जेव्हा

रुसून बसली “कविता” मजवर

स्वप्न ज्ञानपीठचे सत्यात येता

*स्वप्ना* होती मज *बाजेवर*……1

नाही समजले नाते दोघांतील

तरीही राहिलो कविता लिहीत

लेखणीतून प्रसवले काव्य तेव्हा

स्वप्नाने दिले “सुश्राव्य” संगीत …2

लिहीत राहीलो अनंत कविता

पसंत नाही पडल्या स्वप्नाच्या

दुरूस्त केल्या *अनंत* वेळा

तेव्हा कुठे त्या मनात भरल्या…….3

प्रवास स्वप्नांचा भारी किचकट

मधेच भेटतात पोवाडे भारूडे

म्हणत बसतो *उठल्यावरही*

मनात भरता *मोहक रूपडे*……..4

जीवन जहाले *स्वप्न नगरी*

बरसू लागल्या *काव्य* सरी

भान न उरले आता कशाचे

स्वप्नात लिहीतो आता शायरी……5

रचना स्वरचित आहे

विनायक जोशी 🖋️ठाणे

मीलनध्वनी/9324324157