मुंबई –
सध्याच्या अस्थिर व अशांत जिवनात सुख, शांती लाभण्यासाठी तसेच कौटुंबिक व सामाजिक एकोपा निर्माण करण्यासोबतच सर्व भाविक भक्तांनी भारतीय संस्कृतीचे पूजक होऊन सहिष्णूता, दया, क्षमा, शांती व अहिंसेचा अंगीकार करणारी आपली संस्कृती जगात श्रेष्ठ ठरली आहे. त्यांचं अनुकरण करून माणूस म्हणून जगताना सर्वधर्म समभावाची शिकवण आपल्या संस्कृतीने स्वीकारली यातून देशप्रेम, राष्ट्रप्रेम धर्मप्रेम व संस्कृती टिकून एकात्मता नांदावी या उद्देशाने प्रतिवर्षाप्रमाणे भक्तीभावाने भागवताचार्य गुरूवर्य ह.भ.प. संतोष महाराज सावरटकर यांच्या प्रेरणेने भव्य किर्तन महोत्सव श्री ज्ञानेश्वरी पारायण व संगीत श्री संत सोहळ्याचे दि. ७ ते ११ जानेवारी २०२६ स्व दिना बामा पाटील रंगमंच भांडुपगाव( पूर्व) येथे आयोजन करण्यात आले आहे.
प्रारंभी उद्घाटन खासदार संजय राऊत, संजय दिना पाटील, आमदार सुनील राऊत, कामगार नेते परशुराम कोपरकर, माजी नगरसेविका सारिका पवार, विठ्ठल चाहू पाटील, जेष्ठ पत्रकार प्रमोद कांदळगावकर, उपशहरप्रमुख गणेश दगडे विलास तुपे आदींच्या हस्ते कलश पुजन, दिपप्रज्वलन, वीणा पुजन, व्यासपीठ पुजन करण्यात येणार आहे. यावेळी किर्तनकार म्हणून ह. भ. प. शिवा महाराज बावस्कर, ह. भ.प. कविराज महाराज झावरे,ह.भ.प. पांडुरंग महाराज उगले तर संत कथा प्रवक्ते ह.भ.प. संबळे, औरंगाबाद, ह.भ.प. अविनाश महाराज जाधव औरंगाबाद, ह.भ.प. किरण महाजन कुंभार मुंबई, ह.भ.प. दत्ता महाराज कोलगुडे बीड ह.भ.प. केशव महाराज कुंभार विटा, ह.भ.प. ऋषिकेश महाराज शिंदे मुंबई, ह. भ.प. सोमनाथ महाराज शेलार वाई सातारा आपली पांच दिवस सेवा देऊन प्रबोधन करणार आहेत.
तरी या भव्यदिव्य महोत्सव सोहळ्याला मोठ्या संख्येने उपस्थित राहावे असे अध्यक्ष ह.भ.प. विनोद माऊली शिंदे, उपाध्यक्ष ह.भ.प.शिवाजी माऊली पाळसे, सचिव ह.भ.प. दत्ताराम माऊली पालेकर यांनी संयुक्तपणे केले आहे. दि. ११ जानेवारी रोजी महाप्रसादाने सांगता होईल. असे आयोजकांनी सूचित केले आहे.
