*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*उब मिठीतील तेव्हा कळते*

आम्ही खलाशी सदा उपाशी

जीवन शैली आमची खाशी

बोटी आमच्या जरी धावती

भेट अवघड *पत्नी मुलांशी*….1

शिक्षा भोगत गेल्या जन्मीची

तरंगत असतो खा-या जगात

मिठीत घेऊन दिठी उशीची

आमची आहे अजब जमात……2

खायला उठते रजनी काळी

आठवत असते पत्नी सावळी

जरी तळमळतो पूर्ण *रात्र*

सकाळी करतो पहिली पाळी….3

चळीष्ट असून नाही भागत

मिठीत घ्यायला मिळणार कोण

दु:ख आमचे आम्हास माहीत

कसे अनुभवणार हनीमून क्षण..4

गणित मिठीचे असून अवघड

धडधड हृदयाची कळणार कशी

आभासी पणाचे *रुक्ष* डोहाळे .

जमवून घेतील आवळे *चिंचेशी* .5

एका मिठीतील *उब प्रसवते*

बोटी सारखा पाळणा हलवते

डीएनए कळतो खलाशी बापाचा

*उब मिठीतील तेव्हा कळते*….6

विनायक जोशी🖋️ ठाणे

मीलनध्वनी/9324324157