भाजप युवा नेते विशाल परब यांच्या हस्ते अभिनंदन

सावंतवाडी :

सावंतवाडी तालुक्यातील कारिवडे ग्रामपंचायतीच्या उपसरपंचपदी महेश गावकर यांची बिनविरोध निवड झाली आहे. गावच्या विकासासाठी सातत्याने पुढाकार घेणारे आणि तरुणांना संघटित करण्यासाठी सक्रिय असलेले गावकर उपसरपंच झाल्याने परिसरात आनंदाचे वातावरण आहे.
या निवडीनंतर भाजपचे युवा नेते विशाल परब यांनी नवनिर्वाचित उपसरपंच महेश गावकर यांची सदिच्छा भेट घेतली. पुष्पगुच्छ देत त्यांनी जंगी सत्कार केला आणि त्यांच्या पुढील राजकीय व सामाजिक वाटचालीस शुभेच्छा दिल्या.

यावेळी कारिवडे सरपंच आरती माळकर, उपसरपंच महेश गावकर, अशोक माळकर, तुकाराम आमुणेकर, ग्रामसदस्या प्रतिभा जाधव, मायकल डिसोझा, केतन आजगांवकर, युवा मोर्चा सरचिटणीस (मंडळ आंबोली) स्वप्नील राऊळ, रवी सावंत, संतोष बिले यांच्यासह स्थानिक पदाधिकारी, ग्रामपंचायत सदस्य आणि मोठ्या संख्येने ग्रामस्थ उपस्थित होते.

निवडीनंतर बोलताना महेश गावकर यांनी उपस्थितांचे आभार मानले आणि सर्वांना सोबत घेऊन गावाच्या सर्वांगीण विकासासाठी प्रामाणिकपणे काम करण्याचा निर्धार व्यक्त केला.