*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*
*उघडून विश्वात नवीन दुकान*
मुहूर्त साधून ख्रिस्त जन्माचा
आज उतरले पहिले विमान
परिचित झाली *नवी मुंबई*
उघडून विश्वात नवीन दुकान…..
विरोध झाले मोर्चे निघाले
विरोधक सारे एक जहाले
चुचकारून सर्व पोटदुखेंना
औषध देऊन गप्प बसविले…..
नसून योगदान *दमडीचे*
आव आणतात *धनकोचा*
मुतले नाहीत करंगळीवर
तरी विषय बनवला प्रतिष्ठेचा ….
नसून किंमत करती वसूल
लोकशाहीतील हेच “खडे”
शेकडो पटीने वाढते किंमत
विकास हल्ली महागात पडे……
उशीर असतो आधी झालेला
*त्यांतून आमची पोटे भरा*
मोर्चे स्पेशालिस्ट उभे ठाकती
सिध्द करायला *परंपरा*…….,
अखेर उतरले विमान पहिले
आठ वाजता भल्या सकाळी
काय वर्णावा मोद “यात्रींचा”
सुखद गारठ्यात प्रात:काळी……
विनायक जोशी🖋️ ठाणे
मीलनध्वनी/9324324157
