*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी श्रीनिवास गडकरी लिखित अप्रतिम काव्यरचना*

*आजोळ घर*

बालकविता ( पंचअक्षरी )

आजोळ घर

घाली पाखर

आजीची माया

साय साखर

आजोबा सुद्धा

खूप प्रेमळ

अंगावरची

जुनी वाकळ

खाडी किनारा

ओलांडे नाव

दिसू लागते

आजीचे गाव

इटुक-मिटुक

कौलारू घरे

त्यांची उघडी

सदैव दारे

मोठे अंगण

आंब्याचे झाड

सोबत देती

ताड नि माड

केवडा बन

निळी अबोली

कुंपणी शोभे

जुई , चमेली

आजीच्या गावी

पुष्कळ मासे

भाकरी जणू

चांदोबा भासे

अजून कधी

आठव येतो

आजीच्या गावी

घेऊन जातो

श्रीनिवास गडकरी

रोहा पेण पुणे

9130861304

केवळ नावासहितच पुढे पाठवावे

@ सर्व हक्क सुरक्षित