*ज्येष्ठ लेखिका कवयित्री चित्रकारा आदर्श शिक्षिका स्वप्नगंधा सतीश आंबेतकर लिखित अप्रतिम काव्यरचना*
*मनुजन्म*
मनुजन्मा ही तुझी कहाणी
लक्ष लक्ष योनी फिरुनी,
आलास या धरणीवरी
गतजन्मीचे ऋण घेऊनि /१/
कर्म तुझे जे हे घडले जेंव्हा
नव्हते तुजला माहित तेंव्हा,
कळले नव्हते इथे यावे केव्हा
अद्भुत याजन्माचे मोल मानवा
/२/
सर्व प्राणी जातीत उच्च प्रती
हा जन्म मिळाला तुज सार्थकी,
पार करुन बेडा चौर्याऐंशी लक्ष
योनीचा, गौरव मानवा सार्थकी
/३/
३० झाडाझुडपांचे अवडंबर
२७ किटक अन ९ जलचर
१४ पशुपक्षी आणि ४ इतर
या ८४ लक्ष योनी जन्मानंतर
/४/
आपण आलो या सुंदर देही
अवतरलो भुवरी,गतजन्मीचे
ऋण फेडण्या, हिशोब पुरता
सत्कर्मातुनि भोग या जन्मीचे
/५/
देवाने दिधला मनुजन्म कर्तव्य
कसोटी ,सक्षम,सृजन अटीवर
पंचेद्रियांची ग्रहण, सहनशक्ती
ज्ञानबुद्धी नीतीधर्म आचरणावर
/६/
अद्भुततेचे हे वरदान स्वीकार
मानवा तू करु नको अविचार
या जन्माचे मोल असेअनमोल
पुनर्जन्म न,हाच स्वर्णाविष्कार
/७/
निसर्गरमणीय सौंदर्यसोहळा
बुद्धीकौशल्याचा आशीर्वाद
प्रगतीची तेजोमय यशशिखरे
श्रद्धाभक्तीचा मिळे कृपाप्रसाद
/८/
सुबुद्ध,सुजाण मनुजा भाग्यवान
तू,सत्संगती,दे थारासुविचाराला
सत्कर्माने , जन्ममृत्यू चक्रातून
मोक्ष मिळे अविनाशीआत्म्याला
/९/
स्वरचना
स्वप्नगंधा सतीश आंबेतकर
विरार.
